Rukwa yaongoza kwa watoto wenye udumavu

Kaimu Mkurugenzi wa Lishe wa Wizara ya Afya, Maendeleo ya Jamii, Jinsia, Wazee na Watoto, Dk Vincent Assey
LICHA ya mkoa wa Rukwa kuwa miongoni mwa mikoa inayolima chakula kwa wingi nchini, unaongoza kwa udumavu, ukiwa na asilimia 56.6 ya watoto wenye tatizo hilo.
Takwimu hizo za mwaka jana zilitolewa juzi na Kaimu Mkurugenzi wa Lishe wa Wizara ya Afya, Maendeleo ya Jamii, Jinsia, Wazee na Watoto, Dk Vincent Assey wakati wa uzinduzi wa ripoti ya lishe ya dunia iliyozinduliwa na Makamu wa Rais, Samia Suluhu Hassan.
Mikoa mingine inayofuata kwa tatizo hilo linalotokana na lishe duni ni Ruvuma yenye asilimia 44.4, Kagera asilimia 41.7 na Iringa asilimia 41.6.
Kwa mujibu wa takwimu hizo, mwaka 2010, Rukwa ilikuwa na udumavu wa asilimia 50 na hivyo hali imezidi kuwa mbaya badala ya kuimarika. Mwaka huo (2010) Ruvuma ilikuwa na asilimia 46, Kagera asilimia 44 na Iringa asilimia 52.
Kwa mujibu wa takwimu hizo, mikoa ambayo ina afadhali kuhusu tatizo la udumavu ni Dar es Salaam yenye asilimia 14.4, Shinyanga yenye asilimia 27.7, Tabora yenye asilimia 27.9, Kilimanjaro yenye asilimia 29 na Singida yenye asilimia 29.2.
Wastani wa takwimu za kitaifa za mwaka jana ni asilimia 34 kutoka asilimia 42 mwaka 2010.
Kwa mujibu wa Mkurugenzi Jukwaa la Lishe Tanzania (Panita), Dk Tumaini Mikindo, alisema udumavu ni hali ya akili na mwili wa mtoto kutokukua kwa kiwango kinachotakiwa kutokana na lishe duni na mara nyingi hutokea katika kipindi cha siku 1,000 zinazohesabiwa tangu mimba kutungwa hadi mtoto anapofikisha umri wa miaka miwili.
Chanzo Na Habari Leo

HADITHI YA KUSISIMUA: KIUMBE WA USIKU SEHEMU YA 6 , TWENDE PAMOJA HAPA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Kila mmoja alikuwa na hofu yake kwa wakati huo, si unajua tena wengine walikuwa wanafunzi wa chuo, wengine ndiyo kama Suzy.

Kwa Joy hofu yake kuu ilikuwa ni kwa rafiki yake Batuli ambaye kama akigundua amekamatwa, ndiyo atapata neno la kuzungumza kuthibitisha kazi yake ya baa ni bora kuliko kujiuza, na Joy hakutaka hilo litokee.

Akatulia tuli, kiasi kwamba hata aliposimamishwa na kupakiwa ndani ya basi la magereza, akakaa zake siti ya nyuma akitafakari. 

Katika maisha yake hiyo ikiwa ni safari ya kwanza kupelekwa jela, japo kuwa alishawahi kulazwa kituo cha polisi mara nyingi sana.

Mara nyingine humalizana na polisi wanaowakamata hukohuko vijiweni mwao aidha kwa kuwapa penzi au kiasi cha pesa. Tena walifikia hatua ya kujuana na maaskari wengi sana wa vituo vya polisi, lakini mpaka kufikia wanakamatwa basi huenda ni oparesheni maalumu ya Kanda na siyo amri ya maOCD wa vituo vya polisi vidogo.

Walishinda jela siku hiyo nzima na hadi siku ya pili, wakapelekwa tena mahakamani, muda huu kesi yao ilisikilizwa mapema na wakalipa faini na kuruhusiwa kuondoka. Kila mmoja akimlaani hakimu wa mahakama wa jana yake kwa kushindwa kufika mahakamani.

Akiwa anafikiria uongo wa kumpelekea rafiki yake Batuli, akashtukia anaitwa alipogeuka alishangaa kumuona Batuli, lakini kilichomfanya kidogo azimie kwa presha, ni mtu aliyeongozana na Batuli, si mwingine bali ni yule mteja wake aliyemzima zile laki mbili siku mbili zilizopita kule, gesti huku akiviziua vitambulisho vyake nyumbani kwao.

Je, nini kitaendelea, Kwa nini Batuli alifika na yule kaka pale mahakamani, usikose kufuatilia kesho.

“Shoga pole sana, nini kimekukuta? umenipa wasiwasi kweli yaani,” alizungumza Batuli na kumkumbatia mwenzake, kama vile marafiki wakike wafanyavyo pindi wanapomisiana kwa muda mrefu.

Joy akatumia muda huo kumnong’oneza mwenzake amueleze nini kinachoendelea kati yake na yule kaka aliyongozana naye.
“Niliona kimya nikajua upo naye sehemu. Basi nikampigia simu kutumia zile namba kwenye ile kadi nikashangaa kusikia na yeye mwenyewe akasema anakutafuta kweli, ndiyo tumekuja na nilijua kama sijakukuta hapa jiji basi niende kuulizia mochwari,” alinong’ona Batuli.

Kwa jibu hilo Joy alijikuta akiishiwa nguvu akafikiria kuwa ni bora angemueleza ukweli mwenzake haya yasingetokea, lakini kwa kuwa alimficha basi hayo yalikuwa ni majuto na hana budi kuyapokea.

Akamuachia Batuli na kumfuata yule kaka aliyesimama pembeni, wakati huo akitunga uongo harakaharaka kichwani; “Mambo? Unaitwa nani vile? “ aliuliza yule jamaa huku akimtazama vizuri Joy kama vile alikuwa akiinakili sura yake ili asiisahau.

“Naitwa Joy, najua umefuata waleti yako na kweli nilitaka kukupigia sema ndiyo haya matatizo yamenikuta,” alijitetea.
“Usijali, nafahamu ugumu wa kazi yako, mimi sitaki chochote zaidi ya kile kitambulisho, ile hela unaweza ukakaa nayo tu.”
“waooh kweli?” alijikuta akishangaa Joy kwa sababu wanaume wa Kiswahili hapo ndiyo wangemuanzishia kipigo kikali na matusi huku wakitaka kila mtu ajue kuwa anamdai, lakini tofauti na yule kaka kwani alikuwa mstaarabu sana.
“Yah twendeni, nimekuja na gari,” alizungumza yule kaka akiongozana nao kutoka nje ya eneo la mahakama.

Wakapanda gari ya yule kaka na Joy akawa anaelekeza njia hadi wakafika eneo la Tandale Yemen na kupandisha mtaa wa juu hadi maeneo ya Mafioso kisha hapo wakapaki na safari ya kuelekea mabondeni mtaa wa Bitikilembwe ukaanza.

Hii kitu itaendelea usitoke hapa kuwa nasi kesho

HAPA NA PALE MKOANI RUKWA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

FAHAMU MAPOROMOKO YA KALARAMBO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Sehemu ya maangukio ya mto kalambo
Sehemu ya mapitio ya mto kalambo baada ya kupita kwenye maporomoko. 

RC ATANGAZA KULALA SAA NNE

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Imeandikwa na Peti Siyame, Sumbawanga
Mkuu wa Mkoa wa Rukwa, Zelothe Steven
MKUU wa Mkoa wa Rukwa, Zelothe Steven amesema ili aendane na kasi ya falsafa ya Rais John Magufuli ya “Hapa Kazi Tu”, atakuwa akilala kwa saa nne kila siku zilizobakia, saa 20 atakuwa kazini akisaka majibu sahihi ya kero zinazowakabili wananchi wa mkoani humo.
Zelothe alibainisha hayo jana katika kikao maalumu cha kufahamiana kilichojumuisha wazee, viongozi wa dini, watendaji wa umma na wajumbe wa Kamati ya Ulinzi na Usalama ya Mkoa huo kilichofanyika mjini hapa. Kwa kawaida binadamu anatakiwa kulala saa nane na kufanya kazi si zaidi ya saa 12 kwa siku.
Alisema aliamua kutumia fursa ya mapumziko ya madhimisho ya Siku ya Karume kuzungumza nao ili kufahamiana na kuelewa vipaumbele vya mkoa huo ambavyo atavisimamia kwa makini, ukaribu na uadilifu.
“Piga ua naahidi nitawasimamia watendaji wa Serikali Kuu na wale wa Serikali za Mitaa ili nihakikishe wanaendana na kazi na juhudi za Rais Magufuli kwa kauli mbinu yake ya ‘Hapa Kazi Tu’. “Msidhani napiga porojo la nitakuwa nalala kwa saa nne tu, muda mwingine uliobakia (saa 20) kwangu ni ‘Hapa Kazi Tu’, isitoshe kazini ninaripoti saa 1:30 asubuhi kila siku za kazi,” alisisitiza Kamishna huyo mstaafu wa Jeshi la Polisi.
Alionya kuwa kwa kila saa atakayokuwa kazini atakuwa na jukumu la kupata majibu sahihi ya maswali sita ambayo ni “nini, wapi, lini, kwa nini, nani na vipi lazima ninapowauliza watendaji maswali hayo nijibiwe tena kwa usahihi mkubwa.” Alisisitiza kuwa lazima watendaji serikalini wamjibu maswali hayo. “Niwahakikishie kuwa katika kupata majibu hayo hakuna jiwe litakaloachwa bila kugeuzwageuzwa ... Lazima libinuliwe kwa kuwa sababu ya kufanya hivyo ipo , uwezo upo pia nia ipo”.
Akisisitiza kuwa maofisa tarafa, kata na vijiji wamegeuka kuwa “miungu watu’ akiwafananisha na ‘kutu ya chuma’ , wameacha kuwatumikia wananchi badala yake wamegeuza kazi zao kuwa mitaji yao ya kujitajirisha wakiwakera na kuwakatisha tamaa wananchi.
Awali akimkaribisha Msaidizi Katibu Tawala Mkoa wa Rukwa (Tamisemi), Albinus Mgonya alieleza kuwa RC ameonesha njia na dira ya kufuata katika utendaji wa kila siku wa watumishi wa umma. Wazee walieleza kuwa watampatia ushirikiano wa kutosha ili asimamie vyema nidhamu na uwajibikaji serikalini.
CHANZO: HABARI LEO.

POLISI RUKWA WAAGIZWA KUKAMATA WATUMISHI HEWA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

MKUU wa Mkoa wa Rukwa, Zelothe Steven amemwagiza Kamanda wa Polisi mkoa huo, Jacob Mwaruanda kuwasaka na kuwakamata watumishi hewa 18 waliobainika katika uhakiki uliofanyika katika halmashauri zote mkoani humo hivi karibuni.
Pia ameagiza fedha hizo zilizolipwa kwa watumishi hao hewa na kuiingizia hasara kubwa Serikali zirudishwe mara moja.
Akifafanua alisema katika uhakiki huo, watumishi hewa tisa walibainika katika wilaya ya Nkasi, wanane katika Manispaa ya Sumbawanga na mmoja wilaya ya Sumbawanga wakati Kalambo ikiwa haina mtumishi hewa.
Uhakiki huo unatokana na maagizo aliyotoa Rais John Magufuli baada ya kuwaapisha wakuu wa mikoa aliowateua, aliwaambia wakafanye kazi ya kutatua kero za wananchi na sio kwenda kufanya siasa.
Pia Rais Magufuli aliwapa wakurugenzi wa halmashauri siku 15 wawatoe katika orodha ya malipo ya mshahara wafanyakazi hewa wote katika halmashauri zote nchini.
Zelothe alitoa agizo hilo jana katika kikao maalumu cha kufahamiana kilichojumuisha wazee , viongozi wa dini , watendaji wa umma na wajumbe wa kamati ya ulinzi na usalama ya mkoa huo kilichofanyika mjini hapa. Akisisitiza kuwa hajaridhishwa na uhakiki huo, hivyo akaagiza halmashuri zote kurudia upya uhakiki wa watumishi.
“Siku ile ile nilipoapishwa kabla sijavuka geti kutoka nje ya Ikulu nilipiga simu na kuagiza halmashauri zote (Manispaa, Nkasi, Kalambo na Sumbawanga) kuanza uhakiki mara moja wasinisubiri hadi niripoti mkoani hapa,” alieleza.
Aliongeza kuwa aliporudi mkoani humo na kuripoti kazini katika siku yake ya kwanza ofisini alikabidhiwa kitabu chenye orodha ya watumishi wa umma wa halmashauri zote akielezwa kuwa hakuna mtumishi hewa katika mkoa wa Rukwa.
“Sikukubaliana nao nilikataa, nikaagiza ufanyike uhakiki mara moja ndipo wamepatikana watumishi hewa 18 na watumishi wengine 137 wapowapo tu wakiwa na taarifa zinazotia mashaka. Wote wamebainika kwenye hicho kitabu nilichokabidhiwa kikionesha hakuna mtumishi hewa,” alisisitiza.
CHANZO: HABARI LEO.

36 WAITWA MAHAKAMANI MAHUDHURIO YA WATOTO.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


WAZAZI 36 wamesaini hati ya kuitwa kwenye shauri Mahakama ya Mwanzo Mji mdogo wa Chala wilayani Nkasi, Rukwa kwa kutowapeleka shule watoto wao waliochaguliwa kujiunga na Kidato cha Kwanza, Januari mwaka huu.
Akizungumza na gazeti hili Hakimu wa mahakama hiyo, Wilgis Mbunda alisema wazazi hao wameitwa mahakamani hapo baada ya ofisi ya Mtendaji wa Kata ya Mkwamba wilayani humo kuwasilisha majina 39 ya watoto ambao hawajaripoti katika shule ya sekondari Mkwamba bila taarifa yoyote.
Alisema Ofisa Mtendaji wa Kata hiyo alipokea taarifa hiyo kutoka kwa mkuu wa shule hiyo ambapo alisema kabla ya kufikia hatua hiyo ofisi ya kata iliwaita wazazi hao ili kujua sababu za watoto wao kutofika shuleni lakini hawakutoa ushirikiano wowote.
“Ndipo Ofisa Mtendaji huyo alipofika mahakamani na Mahakama imeamua kuwapelekea hati ya mwito mahakamani wazazi hao ili sheria iweze kuchukua mkondo wake,” alisema.
Hakimu Mbunda alisema kuwa wazazi hao watashtakiwa kwa kifungu cha sheria za kanuni ya elimu namba 3 mwaka 2005.
CHANZO: HABARI LEO

TBC KUBORESHA MATANGAZO MIKOA YA PEMBEZONI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Waziri wa Habari, Utamaduni, Sanaa na Michezo, Nape Nnauye
SERIKALI imesema imeamua kuwekeza kwenye mikoa ya pembezoni kuhakikisha usikivu wa Shirika la Utangazaji la Taifa (TBC) unakuwa mkubwa na wa kutosha kwa maeneo yote nchini.
Rai hiyo ilitolewa na Waziri wa Habari, Utamaduni, Sanaa na Michezo, Nape Nnauye alipofanya ziara jana katika Mkoa wa Rukwa na kukagua mitambo ya kurushia matangazo ya shirika hilo pamoja na kukutana na wadau wa sekta anazozisimamia.
“Mkoa wa Rukwa ni kati ya mikoa ya pembezoni ambayo usikivu wa Shirika la Utangazaji la Taifa ni mdogo hivyo kufanya mikoa hii kusikiliza matangazo ya redio kutoka nchi jirani badala ya kusikiliza taarifa za nchi yetu,” alisema Nape.

Alisema lengo la serikali ni kuwa na vyombo vyenye nguvu ya kusikika mikoa ya pembezoni na ikiwezekana vivuke mipaka na kusikika katika mikoa ya jirani, badala ya wananchi kusikiliza matangazo kutoka vyombo vya nje.
Ili kutimiza lengo hilo, Nape aliahidi kufanya maamuzi magumu kwa kusimamia ubadilishaji wa baadhi ya vifaa, kuhamishia mitambo maeneo ya milimani pamoja na kuweka busta zenye nguvu zitakazoweza kufikisha matangazo ya redio (TBC Taifa) na Televisheni ya taifa (TBC 1) nchi nzima.

Akitoa taarifa kuhusu usikivu wa TBC, mkoa wa Rukwa, Kaimu Mkuu wa Kanda TBC, Nyanda za Juu Kusini, Hosea Cheyo, alisema usikivu wa shirika hilo upo kwa asilimia 75, hivyo kuiomba serikali kuhamisha mtambo wa shirika hilo katika mlima wa King’ombe ili wananchi wa mkoa huo wapate fursa ya kusikiliza redio ya taifa.

Naye Meneja wa TCRA Kanda ya Nyanda za Juu Kusini, Lilian Mwangoka aliipongeza Halmashauri ya Nkasi iliyopo katika mkoa wa Rukwa kuwa na redio ya wilaya ijulikanayo kama Nkasi FM inayosaidia kufikisha taarifa kwa jamii.
CHANZO: HABARI LEO

MWANAFUNZI AFA KWA KUPIGWA NA RADI PORINI ALIKOKUWA AMEJIFICHA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Mwanafunzi wa darasa la nne katika shule ya msingi Swaila, kata ya Mkwamba wilayani Nkasi mkoani Rukwa, Maria Pangani (14) amekufa papo hapo baada ya kupigwa radi.

Mwanafunzi huyo aliyekuwa akisoma kupitia Mpango wa Memkwa, alipigwa na radi akiwa amejificha porini baada ya mama yake kumtishia kuwa atafikishwa katika Serikali ya kijiji hicho baada kugundua kuwa alikuwa akiimiliki kwa siri simu ya kiganjani bila kufahamika aliyemnunulia.

Kamanda wa Polisi wa Mkoa wa Rukwa, Jacob Mwarunda alithibitisha tukio hilo na kueleza kuwa lilitokea Machi 22 , saa 11:00 jioni katika kijiji cha Swaila wilayani Nkasi.

Akizungumzia mkasa huo, Mwenyekiti wa Kijiji cha Swaila, Juvenary Mmanzi alisema, mama mzazi wa mtoto huyo alishangaa kuona binti yake akiwa na simu.

“ Ndipo mama yake alipomhoji alikoipata simu hiyo, binti alikataa kumtaja mtu aliyemnunulia ndipo mama yake alipohamaki na kumtishia kuwa atampeleka katika Serikali ya Kijiji afungwe asipomtaja mtu aliyemnunulia simu hiyo “ alieleza Mmanzi.

Kwa mujibu wa Mmanzi, mtoto huyo alijawa na hofu kubwa ya kufungwa jela akakimbilia porini kujificha na ghafla mvua ilianza kunyesha na ndipo alipigwa na radi.

Inadaiwa kuwa, wakazi wa kijiji hicho walifika kwenye pori hilo na kukuta mwili wa marehemu ukiwa umeunguzwa.

Simu na matunda aina ya mapera vilikutwa kwenye mfuko wa sketi aliyokuwa ameivaa.

Kwa mujibu wa Mwaruanda, uchunguzi wa kitabibu umeonesha kuwa kifo cha mtoto huyo kimesababishwa na radi iliyompiga, mwili wake ulikabidhiwa kwa wazazi wake kwa maandalizi ya maziko.
 
Kijukuu cha Bibi K

Sekta ya afya Rukwa hoi

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Waziri wa Afya, Maendeleo ya Jamii, Jinsia, Wazee na Watoto, Ummy Mwalimu

SEKTA ya afya mkoa wa Rukwa inakabiliwa na changamoto kadhaa ikiwemo upungufu mkubwa wa kada za kitaalamu ambapo uwiano uliopo daktari mmoja analazimika kuhudumia wagonjwa 200,000 kwa mwaka.
Kaimu Mganga Mkuu wa mkoa wa Rukwa, Dk Hans Ulaya alisema idadi hiyo ya wagonjwa ni zaidi ya mara nane ya uwiano wa Kitaifa, ambapo daktari mmoja anahudumia wagonjwa 25,000 kwa mwaka.
Dk Ulaya alibainisha hayo wakati wa kikao cha Ushauri wa mkoa wa Rukwa (RCC) kilichofanyika juzi mjini hapa chini ya uenyekiti wa Mkuu wa Mkoa wa Rukwa, Magalula Said.
Aliongeza kuwa uhaba wa kada za kitaalamu pia umewakumba wauguzi ambapo muuguzi mmoja mkoani humo analazimika kuhudumia wagonjwa 30,000 kwa mwaka, ikiwa ni mara sita zaidi ya uwiano wa kitaifa ambapo muuguzi anahudumia wagonjwa 5,000 tu kwa mwaka.
Dk Ulaya alisema sekta hiyo pia inakabiliwa na upungufu mkubwa wa vituo vya afya vya kutolea huduma ya afya vipatavyo 188 ukilinganisha na idadi ya kata na vijiji vilivyopo.
Akifafanua alieleza kuwa changamoto nyingine kubwa ni halmashauri ya Sumbawanga na Kalambo hazina hospitali hivyo hutumia hospitali ya mkoa kama ya wilaya na kwamba kata zipatazo 77 hazina vituo vya afya na vijiji 153 havina zahanati.
Takwimu za hivi karibuni zinaonesha kuwa mkoa wa Rukwa una idadi ya kata zipatazo 97 na vijiji 341, ambapo idadi ya vituo vya afya ni 20 tu na zahanati zikiwa 179. Kwa mujibu wa Magalula ili kukabiliana na tatizo la upungufu wa watumishi wenye taaluma mkoa unajitahidi kuwaendeleza kitaalamu watumishi wachache waliopo na kuomba vibali vya kuajiri watumishi wapya.

Chanzo: Habari Leo

Wauza kinyemela magogo ya milioni 50/-

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Hayo yamebainika wakati wa ziara ya Mbunge wa Jimbo la Sumbawanga mjini, Aeshi Hilaly (CCM) aliyoifanya katika Hifadhi ya Msitu wa Mbizi juzi. Alibaini ‘mchezo mchafu’ ulioisababishia halmashauri hiyo hasara hiyo ikiwa ni tozo iliyotakiwa kuilipa baada ya uvunaji na mauzo ya magogo ya msitu huo kufanyika.
Hifadhi ya Msitu wa Mbizi kiko umbali wa kilometa 12 kutoka mjini Sumbawanga ukiwa ni chanzo kikuu cha maji kwa asilimia zaidi ya 80, uko chini ya TFS. Meneja wa Hifadhi ya Msitu wa Mbizi, Mohamed Kihangi alieleza kuwa TFS iliiruhusu Taasisi ya Utafiti wa Misitu nchini (TAFORI) ambayo iliuzia kampuni binafsi ya Daloshebedea General Ltd ya Iringa ambayo ilivuna katika hekta sita za magogo kwenye msitu huo yeye thamani zaidi ya Sh milioni 100.
Kihangi alieleza kuwa aliishirikisha Manispaa katika hatua zote za uvunaji wa msitu huo uliofanyika kwa zaidi ya miezi mitatu huku Manispaa kukana na hawakuwa na taarifa hiyo hadi dakika za mwisho.
Ofisa Misitu wa Manispaa ya Sumbawanga, Joseph Nkonjera awali alikana kushirikishwa katika uvunaji wa magogo katika msitu huo isipokuwa katika hatua za mwisho za uvunaji.
Pia hana taarifa ya ukubwa wa eneo la msitu uliovunwa.
Ndipo Mbunge Hilaly alipombana kwa kumtaka aeleze ukweli kwa kuwa haingii akilini magogo kuweza kusafirishwa kutoka mjini Sumbawanga hadi Iringa bila kuwa na vibali kutoka Ofisi ya Maliasili ya manispaa hiyo.
Nkongera alikiri kuwa alipokea ushuru wa Sh 900,000 kati ya milioni 50 zilizopaswa kulipwa na kampuni ya Dalashebedea General Ltd ya Iringa.
Kutokana na hilo, Mbunge huyo alimtaka Meneja wa Hifadhi ya Misitu ya Mbizi, Kihangi kuwasiliana na TFS , TAFORI na Kampuni ya Daloshebedea kuwasilisha vielelezo vya uvunaji na manunuzi magogo hayo ili waweze kujua ni namna gani manispaa hiyo itapata haki yake kutokana na uvunaji huo.
Pia wamemtaka Ofisa Misitu wa Manispaa hiyo , Nkojera kuwakilisha stakabadhi za manunuzi na malipo ya tozo alizopokea kutoka kampuni binafsi ya Daloshebedea General Ltd.

Chanzo Gazeti la Habari leo

TAASISI YA BENJAMINI WILIAMU MKAPA YAKABIDHI NYUMBA 20 KWA MIKOA YA KATAVI NA RUKWA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na  Walter  Mguluchuma
  Katavi
Taasisi ya  Benjamini Wiliam Mkapa  imekabidhi  nyumba 19  kwa Halmashauri za Mikoa ya Katavi na Rukwa  kwa ajiri ya watumishi wa Idara ya afya  zikiwa na thamani ya zaidi ya shilingi  Biloni 1.3.
Makabidhiano ya nyumba hizo yalifanyika juzi katika zahanati ya Kabungu Wilayani Mpanda kwaniaba ya nyumba nyingine zilizojengwa katika Halmashauri za mikoa ya Katavi na Rukwa ambapo mgeni Rasmi  alikuwa  Waziri Mkuu msitaafu  wa awamu ya nne Mizengo Pinda.
Katika Risara iliyosomwa  na  Asifa Mtendaji mkuu wa Taasisi  ya Benjamini Wiliam Mkapa Dkt  Ellen  Senkoro  alisema wakati taasisi hiyo inaadhimisha miaka kumi  ya kazi zao  wamechangia  jitihada mbalimbali za Serikali hapa nchini  ikiwemo mikoa ya Rukwa na Katavi.
 Alisema  mbali ya ujenzi wa nyumba hizo za watumishi wa afya pia  Taasisi hiyo  imeajiri watumishi 63  na kuwapeleka katika mikoa hiyo miwili ambao wamekuwa wakitowa huduma  za tiba na maabara  katika Hospitali na  vituo  vya afya vya Serikali .
Pia  wameimarisha  vyuo vya mafunzo  vya afya  kwa kuajiri  na kupeleka  walimu 8 katika vyuo  vilivyopo katika Mkoa wa Rukwa  kwa nia ya kuhakikisha  vyuo hivyo  vinapata  uwezo mkubwa  zaidi  wa  kudaili na kufundisha wanafunzi wa  kada za afya nia kuongeza  uzalishaji  zaidi   ya wataalamu wa afya nchini.
Dkt  Senkoro alisema  kuhusiana na mradi huo wa ujenzi wa nyumba  Serikali  ya Tanzania  kupitia Wizara  ya Afya Maendeleo ya jamii jinsia  Wazee na Watoto  waliamua  kuendelea  kushirikiana  na Taasisi ya  Mkapa  katika kutekeleza  mradi kuanzia mwaka 2011 hadi 2016 mradi huo unalenga kuimarisha  mfumo wa  sekta ya afya .
Alisema Taasisi hiyo mpaka sasa imejenga  nyumba  480 hapa nchini kati ya nyumba hizo nyumba 40 zipo katika mikoa ya Katavi na Rukwa.
Waziri Mkuu msitaafu Mizengo Pinda  alitowa shukurani kwa Taasisi ya Mkapa  kwa kuratibu na kupatikana kwa msaada  huo  mkubwa .
Pinda  alisema  Serikali yetu  licha ya mafanikio  yaliyopatikana  nchi yetu  bado inakabiliwa  na tatizo kubwa  la upungufu wa watumishi wa afya  hasa vijijini  nale  yasiyofikika kwa urahisi .
Pia aliwataka watumishi wanaopangiwa kazi katika  mikoa ya Katavi na Rukwa kuacha imani potofu  kuwa mikoa hiyo inauchawi hari ambayo imepelekea watumishi wanaopangiwa kazi kushindwa kulipoti.
Muuguzi wa Zahanati ya Kabungu Rose Mpimbe alisema    nyumba waliyokadhiwa itawafanya wananchi wa Kata ya Kabungu kupata huduma kwa muda wote kwani walikuwa wakishindwa kutowa huduma kwa wagonjwa kutokana  zahanati hiyo kutokuwa na nyumba ya kuishi mganga wala wauguzi ambao wote walikuwa wamepanga nyumba kijiji cha jirani cha Kagwila kilichopo umbali wa kilimeta mbili

MOTO WAUA ASKARI NA MPENZI WAKE.


ASKARI wa kike wa Usalama Barabarani, Attuganile Mwakibete (37) na mpenzi wake Sunday Mhagama (36), wameteketea kwa moto baada ya nyumba walimokuwa ndani kuungua.

Kamanda wa Polisi Mkoa wa Rukwa, Jacob Mwaruanda alisema tukio hilo lilitokea Februari 2, mwaka huu saa 7:15 mchana katika kitongoji cha Maporomoko, Kata na Tarafa ya Laela Wilaya ya Kipolisi ya Laela.

Inadaiwa kuwa nyumba hiyo iliyoteketea kwa moto ambayo askari Attuganile alikuwa amepanga vyumba viwili, ni mali Yaiyela Mwamahonje aliyokuwa akiishi na watoto wake wawili wadogo ambao wamenusurika kufa, licha ya kuwemo ndani ya nyumba hiyo wakati wa ajali hiyo.

Taarifa za uhakika zinaeleza kuwa Mhagama aliyekuwa rafiki wa trafiki huyo wa kike, ni mkazi wa Mbeya ambako mkewe anaishi, na alikuwa na mazoea ya kumtembelea mpenzi wake huyo mara kwa mara.

Inadaiwa askari Attuganile alikuwa ameachana na mumewe wa ndoa. “Vyumba viwili yaani sebule na chumba walimokuwemo Attuganile na Mhagama viliwaka moto baada ya jenereta lililokuwa likifanya kazi likiwa sebuleni humo kulipuka na kuwajeruhi vibaya,” alieleza.

Kwa mujibu wa Kamanda Mwaruanda, Attuganile alifariki dunia Februari 8, mwaka huu saa 2:30 asubuhi akipatiwa matibabu katika Hospitali ya Mkoa wa Rukwa mjini Sumbawanga.

Mhagama alikimbizwa na kulazwa katika Hospitali ya Rufaa ya Mkoa wa Mbeya jijini Mbeya ambako alifariki dunia Februari 9, mwaka huu. Kamanda Mwaruanda alisema uchunguzi wa tukio hilo unaendelea.
CHANZO: HABARI LEO.

KIZIMBANI KWA KUKUTWA NA NYARA ZA SERIKALI.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
WAKAZI wastatu wa Kijiji cha Ninde mwambao mwa Ziwa Tanganyika wilayani Nkasi katika Mkoa wa Rukwa wamefikishwa katika Mahakama ya Wilaya ya Nkasi kwa kosa la kukutwa na nyara za Serikali zenye thamani ya zaidi ya Sh 900,000.

Washitakiwa hao Joseph Julio (60), Salvatory Lyambise (58) na Datus Kanondo (38), walifikishwa jana mbele ya Hakimu Lilian Lutahangwa ambako walikanusha mashtaka yao.
Awali Mwendesha Mashtaka, Mkaguzi wa Polisi, Hamim Gwelo alidai mahakamani hapo kuwa watuhumiwa kwa pamoja walitenda kosa hilo Januari 30, 2016 usiku wa manane.

Kwa mujibu wa mwendesha mashtaka huyo alidai kuwa usiku huo wa tukio washtakiwa hao walikuwa wakiwa na pembe za mnyama aitwae insha na nyama ya mbawala kinyume cha sheria.

WANAFUNZI 21 WATIMULIWA KWA KUVAA 'YEBO YEBO', ZACHOMWA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

WANAFUNZI wapatao 21 wanaosoma Shule ya Msingi Kilambo cha Mkolechi, Kata ya Kala mwambao mwa Ziwa Tanganyika wilayani Nkasi, wamefukuzwa shule kwa muda usiojulikana kwa kuvaa viatu maarufu yeboyebo.
Imeelezwa kwamba yeboyebo hizo zilikusanywa na kuchomwa kwa kile kilichoelezwa kwamba ni kunatokana na waraka uliotolewa na Ofisa Elimu Halmashauri ya Nkasi (Msingi) ukipiga marufuku wanafunzi kuvaa aina hiyo ya viatu shuleni.

Hata hivyo, akizungumza na gazeti hili jana kwa njia ya simu akiwa mjini Namanyere wilayani Nkasi mkoani Rukwa, Ofisa Elimu Halmashauri ya Wilaya ya Nkasi (Msingi), Misana Kwangula, alikanusha kutoa waraka huo kwa shule hiyo.
“Sina taarifa rasmi ila jana jioni (Jumatatu) alinipigia simu mkazi mmoja akinitaarifu kwamba kuna mwalimu wa shule ya msingi Kilambo cha Mkolechi amechoma moto viatu vya wanafunzi kwa madai kuwa ofisa elimu (msingi) ametoa waraka kwamba wanafunzi hawatakiwi kuvaa yeboyebo shuleni…

“Hakuna waraka wala marufuku yoyote iliyotolewa, isitoshe sio sahihi hata kidogo wala sio kitu kizuri kuchoma vifaa walivyonavyo wanafunzi…. Sasa kama amewachomea wanafunzi hao viatu hivyo vya yeboyebo basi awanunulie viatu vya ngozi,” alisema Kwangula.
Mkasa huo wa wanafunzi hao kufukuzwa shule na kuchomewa yeboyebo walizovaa ulitokea juzi wakati wanafunzi hao walipofika shuleni wakiwa wamevaa viatu hivyo. Inaelezwa kwamba mwalimu wa zamu, Baraka Mwakasege aliwazuia kuingia darasani, badala yake akawaamuru wavue viatu vyao.

Taarifa kutoka shuleni hapo zinaeleza kuwa, baada ya hatua hiyo, mwalimu huyo wa zamu alizikusanya yeboyebo na kuzitia kiberiti kisha akawafukuza wanafunzi hao kwa muda usiojulikana hadi wazazi na walezi watakapowanunulia viatu vya ngozi.

Mwalimu Mkuu wa shule hiyo, Posian Ally alikanusha kumtuma mwalimu wa zamu kuwafukuza wanafunzi hao shule kwa muda usiojulikana wala kuteketeza kwa moto yeboyebo zao. Alisema ataitisha kikao ili kujadili suala hilo na kwamba mwalimu huyo akibainika kutenda kosa hilo ataamriwa kuwanunulia watoto hao viatu vingine.

Akizungumza na gazeti hili kwa njia ya simu, mmoja wa wazazi wa wanafunzi hao, Privatus Yoram, alithibitisha kutokea kwa mkasa huo. “Jana jioni nilimwona mwanangu anayesoma darasa la tano shuleni hapo akirudi nyumbani akiwa peku.
Nikamuuliza kulikoni, akanieleza kuwa mwalimu wa zamu (Mwakasege) amewafukuza shule na kuchoma yeboyebo zao kutokana na waraka wa Ofisa Elimu Nkasi unaopiga marufuku yeboyebo shuleni,” alisema Yoram.
CHANZO: GAZETI LA HABARI LEO.

UJUE MTUNGI WA FAYA ULIOJAZWA NA ULIOTUPU/AMBAO GESI IMEKWISHA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Mtungi uliojaa kwa kuzima Moto
Mtungi uliotupu kwa maana ya kwamba mshale wake umerudi kushoto kama unao kwenye gari lako,ofisini au nyumbani ujue hilo ni kopo tu hautakusaidia chochote kuzima moto. Sana sana utautumia kuwadanganya askari na wakaguzi wasiojua tu. Kwa ufupi unajidanganywa wewe mwenyewe.
Mtungi ulioactive kwaajili ya kuzima moto mshale wake utakuwa kwenye green (kijani). Ikiwa mshale utakuwa kulia mwa alama ya kijani mtungi huu umejazwa kupita kiasi na ni hatari.Imeandaliwa na RSA na Dj Sek Blog
Huu ni mtungi ambao hauna ujazo wowote na hauwezi kuzima moto kwa namna yoyote ile


Millioni 300 kujenga Barabara Rukwa

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Waziri wa Ujenzi,Uchukuzi na Mawasiliano Mhe. Mhandisi Edwin Ngonyani akijibu hoja toka kwa Wabunge mbalimbali katika cha 7 cha Bunge la 11 linaloendelea Mjini Dodoma. Picha na Raymond Mushumbusi MAELEZO

(Na Raymond Mushumbusi-MAELEZO )

Serikali katika mwaka wa fedha 2015/2016 ilitenga Shillingi million 300 kwa ajili matengenezo na ujenzi wa Barabara ya Kitosi- Wampembe katika Wilaya ya  Nkasi Mkoa wa Rukwa kupitia Wakala wa Barabara (TANROADS) ili kufanya Barabara hiyo iweze kupitika katika kipindi chote cha mwaka.

Akijibu swali la Mhe.Desdelius John Mipata Mbunge wa Nkasi Kusini (CCM) liliouliza ni lini Serikali itaitikia kilio hiki cha wananchi wanaopata shida kwa Barabara hizo kutopitika katika kipindi chote cha mwaka,Naibu Waziri wa Ujenzi,Uchukuzi na Mawasiliano Mhe. Mhandisi Edwin Ngonyani amesema Serikali kupitia Wizara yake imesikia kilio cha wananchi wa Wilaya ya Nkasi na inaendelea kutoa fedha za matengenezo ya Barabara ya Kitosi-wampembe.

“ Kwa mwaka wa fedha 2014/2015 Serikali ilitoa jumla ya Shillimgi Millioni 500 ili kufanya matengenezo ya Barabara ya Kitosi-Wampembe ili ziweze kupitika katika kipindi chote cha mwaka” Alisema Mhe Ngonyani.

Aidha ,katika kipindi cha mwaka wa fedha 2014/2015 Serikali ilitenga jumla ya Shillingi Millioni 45 na Shillingi Millioni 60 zimetengwa katika mwaka wa fedha 2015/2016 kwa ajili ya matengenezo ya aina mbalimbali ya barabara ya Nkana-Kala kupitia Halmashauri ya Wilaya ya Nkasi ili kuhakikisha inapitika kwa kipindi chote cha mwaka.

Ukarabati wa barabara ya Kitosi-Wampembe yenye urefu wa kilomita 67 na Barabara ya Nkana –kala yenye urefu wa kilometa 68 uko chini ya Mfuko wa Barabara ikisimamiwa na Wakala wa Barabara (TANROADS)  na Barabara zote hizi ziko chini ya Halmashauri ya Wilaya ya Nkasi ambayo inawajibika kuwezesha Barabara zinapitika kwa kipindi chote cha mwaka.
 

MVUA YAUA WATU SITA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
DARAJA la mto Koga lililopo mpakani mwa mikoa ya Katavi na Tabora, limefurika maji ya mvua na kusababisha vifo vya watu sita, ambao wamesombwa na maji.
Pia mafuriko hayo yamesababisha foleni ndefu ya magari katika eneo la mto huo.
Akizungumza na gazeti hili kwa njia ya simu kutoka mjini Mpanda jana jioni, Kamanda wa Polisi Mkoa wa Katavi, Dhahri Kidavashari alisema watu hao waliosombwa na maji na miili yao haijaonekana, hadi sasa ni wanawake wawili na watoto wanne.
Alisema watu hao wamefikwa na umauti baada ya gari aina ya Toyota Pick Up yenye namba za usajili T597 BTC, kusombwa na maji wakati likijaribu kuvuka Mto Koga uliokuwa umefurika maji.
Kufurika maji kwa daraja la Mto Koga, kumesababisha kukatika kwa mawasiliano ya barabara kati ya miji ya Mpanda mkoani Katavi na Sikonge mkoani Tabora, na kusababisha kero kubwa kwa mamia ya abiria.
Inadaiwa kuanzia juzi zaidi ya 100 yalikuwa yamekwama huku idadi kubwa ya abiria wakikwama pia katika eneo hilo.
Walieleza kuwa wamesubiri kwa muda muda mrefu maji yapungue.
Miongoni mwa waathirika hao ni wanawake na watoto, wanaotumia miundombinu kwa ajili ya kwenda kliniki na shuleni, wamelazimika kulala eneo la mto huo kusubiri maji yapungue.
Kwa mujibu wa Kamanda Kidavashari, ajali hiyo ilitokea juzi saa 12 jioni baada ya gari hilo lililokuwa likitokea Tabora kwenda mjini Mpanda kufika katika eneo hilo la Mto Koga na kukuta foleni ya magari yakisubiri kuvuka.
CHANZO ; HABARI LEO.

HII NI NJIA KUELEKEA MKOA WA RUKWA ,WANAOISHI HUKO SASA HAWANA TENA MAUMIVU.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
 Tofauti na Miaka 10 iliyopita , ambapo watu walikuwa wakichukua masaa mengi sana njiani kabla ya kumaliza safari kulingana na Barabara kuwa Mbovu kupita kiasi, lakini sasa Barabara hii ni Safi Serikali imefanya kazi kubwa, na ni moja ya njia ambazo Mpaka mwaka jana katikati kulikuwa hakuna kituo hata kimoja cha mafuta kutoka Tunduma mpaka karibia na Sumbawanga mjini.

Je Nini maoni yako kuhusiana na Barabara hii? weweza changia Chini ya post eneo la Comment au hapa Facebook chini ya hii Post.

WATU watatu wamekufa maji siku ya mkesha wa sikukuu ya Krismasi baada ya gari aina ya Noa walilokuwa wakisafiria kuacha njia na kutumbukia mtoni.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Na Walter Mguluchuma
Katavi

WATU watatu  wamekufa maji  siku ya mkesha wa sikukuu ya Krismasi baada ya gari aina ya Noa walilokuwa wakisafiria kuacha njia na kutumbukia mtoni.

Gari hilo la abiria lilikuwa likisafiri kutokana kijiji cha Muze wilayani Sumbawanga mkoani Rukwa likielekea katika kijiji cha  Majimoto wilayani  Mlele mkoani Katavi.

Mwenyekiti wa Halmashauri ya wilaya ya Sumbawanga, Kalolo Joseph Ntila alisema kuwa tukio hilo lilitokea Desemba  24 nyakati za saa 4:20 usiku ambapo gari hilo likiwa na abiria saba lilipoacha njia na kutumbukia katika mto huo.

Alisema kuwa baada ya gari hilo kutumbukia kwenye mto Kilambo ambapo baadhi ya abiria walifanya jitihada za kujiokoa ambapo walifanikiwa kutoka huku wanawake wawili na mtoto mdogo mmoja walishindwa kutoka ndani ya gari hilo na kufa maji wakiwa ndani ya gari hilo.

Ntila ambaye ni Diwani wa Kata ya Muze, alisema kuwa baada ya abiria hao kutoka walijitahidi kutoa msaada kwa watu waliokuwa wamebaki ndani ya gari hilo lakini hawakufanikiwa kutokana na maji mengi na walipofanikiwa waliwatoa wakiwa wamefariki dunia.

Alisema kuwa watu hao bado hawajafahamika majina yao lakini miili ya marehemu hiyo ilipelekwa katika chumba cha kuhifadhia maiti katika kituo cha afya cha Muze kwaajili ya kusubiri kutambuliwa ili ndugu zao wakafanye maziko ya watu hao.

Aidha, Diwani huyo aliongeza kwamba eneo hilo ambalo ajali hiyo imetokea si nzuri hasa nyakati hizi za masika pindi mvua zinaponyesha kumekuwa na utelezi hali iliyosababisha gari hilo kuteleza na kutumbukia mtoni.

Kamanda wa polisi mkoa wa Rukwa, Jacob Mwaruanda amethibitisha kutokea kwa ajali hiyo, na kutaka madereva wanaofanya safari kupitia barabara hiyo kuwa waangalifu katika nyakati hizi za masika kwani kutokana uharibifu mkubwa wa barabara kwenye eneo hilo.

Mwisho.

MGANGA wa Jadi aliyefahamika kwa jina la Vitus Chomba(42) mkazi wa Sumbawanga mjini mkoani Rukwa anashikiliwa na polisi wa wilaya ya Mlele mkoani Katavi baada ya kukutwa na nyara za serikali kinyume cha sheria.

Habari za uhakika kutoka eneo la tukio zinaeleza kwamba mganga huyo alikamatwa Desemba 27 nyakati za saa 1:00 za jioni, baada ya wakazi wa eneo alilokuwa akiishi kumtilia shaka kutokana na kukutana na watu kwa siri wakati yeye ni mgeni katika eneo hilo.

Akizungumzia tukio hilo afisa mtendaji wa kata ya Nsekwa wilayani Mlele mkoani Katavi Amos Ngozi alisema alipokea taarifa kutoka kwa wakazi wa kata hiyo wakieleza kuwa kuna mtu ambaye amekuwa akikutana kwa siri kubwa na baadhi ya wakazi wa kata hiyo hali iliyosababisha hofu kwa baadhi ya wananchi.

Alisema baada ya taarifa hizo alitoa taarifa polisi ambapo kwa kushirikiana na polsi hao walivamia katika nyumba anayoishi mganga huyo na kuanza kuifanyia upekuzi na katika beji lake la nguo walikuta kuna Ngozi ya simba, maini ya Swala pamoja na ngozi ya paka pori.

Mtendaji huyo wa kata alisema kuwa vitu vingine walivyokutwa navyo ni nyama ya Sungura, kwato za pundamilia pamoja na mkia wa nyati ambapo  vyote thamani yake bado haijafahamika, vinavyodaiwa kutumia kwa ajili ya shughuli zake za uganga wa jadi na hutumia kwaajili ya kutibu ama kuroga kutokana na huduma anayohitaji mteja wake.

Alisema mganga huyo alifika katika kijiji cha Inyonga wilayani humo kwalengo la kufuata wateja wake ambao walikuwa wamemuita awatibu na kuwafanyia zindiko pia kutafuta vitu ambavyo atavitumia katika kutengeneza dawa ambazo anatumia kutibia wateja wake.

Hata hivyo, mtendaji Ngozi alisema mganga huyo alichukuliwa na polisi na kushikiliwa katika kituo cha polisi kutokana na kukutwa akiwa na nyara za serikali, kosa la kufanya tiba za jadi wakati hana kibali cha kufanya kazi hiyo.

Kwa upande wake, Kamanda wa Polisi mkoa huo, Dhahiri Kidavashari alikiri kukamatwa kwa mtuhumiwa huyo na bado anahojiwa na polisi ili hatua zaidi za kisheria ziweze kuchukuliwa ikiwa pamoja na kufikishwa mahakamani.

 
Supported by Tone Multimedia Company Limited
Copyright © 2012. Rukwa Yetu - All Rights Reserved
Designed by Fredy Tony Njeje
Proudly powered by Blogs za Mikoa