JELA MIAKA 30 KWA KUMLAWITI MTOTO WA KIUME.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 



 Na Walter Nguruchuma- Katavi yetu
MAHAKAMA ya Wilaya ya Nkasi mkoani Rukwa  imemuhukumu mkazi wa kijiji cha Mashete , Titho Solwe (20)  kutumikia kifungo cha miaka 30 jela baada ya kutiwa hatiani kwa kosa la kumlawiti mtoto wa kiume mwenye umri wa miaka 10.

Akitoa hukumu hiyo jana , Hakimu Mfawidhi wa Mahakama hiyo ya Wilaya , Lilian Lutehangwa alisema kuwa mahakama  imeridhishwa na ushahidi uliotolewa mahakamani hapo  na upande wa mashtaka pasipo kutia shaka yeyote kuwa mshtakiwa alitenda kosa hilo  na walasi si mtu mwingine .

Upande wa Mashtaka ulioongozwa na Mwendesha Mashataka , Mkaguzi wa Polisi , Hamimu Gwelo  uliita mashahidi watatu mahakamani  hapo . “Mahakama hii  imeridhishwa na ushahidi uliotolewa  na upande wmashtaka ambao hauachi chembe  yayote ya mashaka kuwa  si mtu mwingine aliyemtendea unyama  mtoto  huyo bali ni huyu mshtakiwa  mwenyewe” alisema akitoa hukumu hiyo .

Awali Gwelo alidai mahakamani hapo kuwa mshtakiwa huyo alitenda uhalifu huo Juni, 19 mwaka huu  katika kijiji cha Mashete kilichopo katika Kata ya Mtenga  wilayani Nkasi  mkoani hapa .
 

MGANGA WA JADI ACHOMWA MKUKI MGONGONI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 Imeandikwa na Peti Siyame, Sumbawanga
WATU watano wakiwemo watoto wawili wamekufa katika matukio tofauti yaliyotokea mkoani hapa hivi karibuni ambapo mganga wa jadi, Levocatus Kanjalanga (65) aliuawa kikatili kwa kuchomwa mkuki mgongoni na mtu asiyefahamika.
Matukio hayo ambayo yametokea katika Wilaya za Nkasi, Kalambo na Manispaa ya Sumbawanga yamethibitishwa kwa nyakati tofauti na Kamanda wa Polisi wa Mkoa wa Rukwa, George Kyando (pichani) na Mkuu wa Wilaya ya Nkasi ambaye ni Mwenyekiti wa Kamati ya Ulinzi na Usalama ya Wilaya, Said Mtanda.
Mtoto wa mganga huyo, Simon Kanjalanga alilieleza gazeti hili kuwa baba yake aliuawa juzi saa moja na nusu asubuhi kwa kupigwa na mkuki mgongoni akiwa anatembea mitaani katika kitongoji cha Chawe kilichopo katika Mji wa Namanyere wilayani Nkasi.
Taarifa kutoka eneo hilo la tukio zinaeleza kuwa mganga huyo wa kienyeji alikuwa akituhumiwa na wateja wake kuwa alikuwa akiwatoza fedha nyingi za matibabu lakini walikuwa hawaponi kupitia uganga wake huo.
Akithibitisha Mkuu wa Wilaya hiyo, Mtanda alieleza kuwa watu wawili wameuawa kikatili wilayani humo akiwemo mganga huyo kwa kile kinachodaiwa kuwa ni imani za kishirikina .
CHANZO HABARI LEO

WANAOSABABISHA HOJA ZA UKAGUZI WA HESABU WACHUKULIWE HATUA - RC RUKWA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Mkuu wa Mkoa wa Rukwa, Kamishna Mstaafu wa Polisi, Zelote Stephen ameagiza kuchukuliwa hatua kwa wale wote watakaosababisha kuibuka kwa hoja za ukaguzi wa Hesabu za serikali katika Halmashauri zao. Aliyasema hayo alipohudhuria kwenye baraza maalum la madiwani la kujadili na kujibu hoja 147 za mkaguzi wa hesabu za serikali nchini kwa mwaka wa fedha 2015/2016 katika Halmashauri ya Wilaya ya Nkasi.

Akinukuu barua ya maagizo aliyoyatoa tarehe 4/5/2017 Mkuu wa Mkoa alisema kuwa kila mamlaka ya nidhamu ichukue hatua za kinidhanmu kwa mujibu wa sharia kwa watumishi ambao wamesababisha hoja za ukaguzi kwa uzembe au kwa kutotekeleza majukumu yao ipasavyo na taarifa juu ya hatua hizo apelekewe.
“Kwenye hoja zilizojibiwa ningependa sana hoja ziwe na data zinazoeleweka na za uhakika, na kuacha kitu kinachoitwa tunaendelea kuishughuilikia, iseme tumefikia wapi, sio tunaendelea, Hakuna kinachoendelea, lazima kupiga hatua kuondoka kwenye hoja hiyo, nimesikia kuwa kuna watu wamechukuliwa hatua lakini sijaziona,” Mh. Zelote alibainisha.

Aidha alibainisha kuwa wapo watu waliofanya madudu na wanapaswa kuchukuliwa hatua na kutowaachia kwani kufanya hivyo hakutasaidia kufutika kwa hoja na kusisitiza kuwa waliosababisha hoja watafutwe popote walipo ili warudi kujibu hoja walizoziibua.

Hata hivyo, Mh. Zelote ameusifu uongozi wa Halmashauri ya Wilaya ya Nkasi kwa kuweka misingi imara iliyowapelekea kupata hati safi kwa mwaka wa fedha 2015/2016 na kuwaasa kumtumia mkaguzi mkaazi wa mkoa pamoja na wakaguzi wa ndani kutoka ofisi yake ili kuzuia hoja zisitokee.

“Ni halmashauri pekee katika Mkoa huu ambayo imepata hati safi, kwa hilo niwapongeze sana, angalau mmenitoa kimasomaso, sijui ingekuwaje kama ingekuwa ni zote zimepata hati yenye mashaka,” Alisema.
Na kuagiza kuwa hoja zote zilizo ndani ya uwezo wa mkoa zisijitokeze tena kwakuwa halmashauri zote zina mfumo unaojumuisha kanuni, sharia na taratibu lazima mambo hayo yasimamiwe kikamilifu.

Awali akimkaribisha Mkuu wa Mkoa Mwenyekiti wa halmashauri ya Wilaya ya Nkasi Mh. Zeno Mwanakulya alisema kuwa lengo la halmashauri ni kuhakikisha kuwa hoja hizo zinafutika na hazijirudii.

“Lengo la Halmashauri ni kuhakikisha kwamba tunazifuta hoja zote, ndio lengo letu kubwa kwahiyo wakati tunachangia lazima tujiulize kwanini hoja hizi zimejitokeza, Je, zilikuwa na sababu ya kutokea, basi ni vizuri kama wawakilishi wa wananchi tuweke msisitizo hoja hizo zifutwe” Alisema.

Na pia aliahidi kuyafanyia kazi maelekezo yote yaliyotolewa na Mkuu wa Mkoa ili kuhakikisha kuwa Halmashauri hiyo inaendelea kupata hati safi.

Kwa upande wake Mkuu wa Wilaya ya Nkasi Mh. Said Mtanda alibainisha kuwa hoja zinasababishwa na uzembe wa watumishi katika kutekeleza majukumu yao na kukumbusha kuwa mwaka wa fedha 2014/2015 kulikuwa na hoja 80 ukilinganisha na mwaka wa fedha 2015/2016 wenye hoja 147.

“Kila mtu katika eneo lake akiwajibika hakutakuwa na hoja kwasababu Hakuna hoja isiyo na majibu, wakaguzi wanachotaka ni majibu, ukishawaridhisha kwa kuweka kumbukumbu zako vizuri, hoja haiwezi kujitokeza,” alimalizia.

MWALIMU MBARONI KWA TUHUMA ZA KUMPA MWANAFUNZI MIMBA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Imeandikwa na Pety Siyame, Sumbawanga
POLISI mkoani Rukwa inamshikilia mwalimu wa Shule ya Sekondari Miangalua iliyopo katika wilaya ya Sumbawanga akituhumiwa kumpatia ujauzito mwanafunzi wake mwenye umri wa miaka 16, ambaye alikuwa akisoma kidato cha tatu.
Kamanda wa Polisi mkoa wa Rukwa, George Kyando amethibitisha kuwapo kwa tukio hilo, akisema tayari mtuhumiwa huyo amekamatwa na anashikiliwa kwa mahojiano na katika Kituo cha Polisi kilichopo katika mji mdogo wa Laela wilayani Sumbawanga.
Atafikishwa mahakamani mara tu baada ya upelelezi wa awali kukamilika ambapo anatuhumiwa kwa makosa matatu ya kumpatia ujauzito mwanafunzi huo, kumbaka na kukatisha masomo yake.
Akizungumzia mkasa huo, Mkuu wa shule hiyo, Gishi Milundi amekiri kutokea kwa mkasa huo ambapo mwalimu wake anahusishwa na tuhuma hizo huku akiongeza kuwa, baada ya kuhisiwa kuwa ana dalili za ujauzito alikwenda kupimwa katika zahanati ya Miangalua na kubainika kuwa na ujauzito wa miezi mitano.
CHANZO HABARI LEO
 

DK. KIGWANGALLA AFANYA ZIARA MIKOA YA RUKWA, KATAVI NA TABORA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

 
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akikagua Maabara ya Mkoa wa Rukwa
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akikaguachumba cha upasuaji Hospitali ya Mkoa wa Rukwa
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akitoa maagizo kwa viongozi wa Hospitali ya Mkoa wa Rukwa
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akiingia chumba cha Wodi ya wanawake kituo cha Afya Laela Mkoa wa Rukwa
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akielekea kukagua Maabara ya Kituo cha Afya Laela Mkoa wa Rukwa
Mkuu wa Wilaya ya Nkasi Mh. Saidi Mtanda akihutubia wakati Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla alipotembelea kituo cha Afya Wampembe Mkoa wa Rukwa
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akikagua kitanda ndani ya chumba cha kujifungulia katika kituo cha Afya Wampembe Mkoa wa Rukwa
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akitembelea kituo cha Afya Wampembe, Mkoa wa Rukwa. kulia ni Mkuu wa Wilaya ya Nkasi, Mh. Said Mtanda
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akikagua mfumo wa maji unaoingia kituo cha Afya Wampembe, kutokea Ziwa Tanganyika, Mkoa wa Rukwa
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akikagua chumba cha upasuaji mdogo cha Kituo cha Afya Nkasi alipotembelea hapo majira ya saa mbili usiku, Mkoa wa Rukwa
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akikagua eneo litakalojengwa majengo ya utanuzi wa kituo hicho cha Afya ambapo kikikamilika kinatarajia kuwa Hospitali ya Wilaya ya Nkasi Mkoa wa Rukwa
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akipatiwa maelezo ya maendeleo ya jengo linalojengwa kwa ajili ya Hospitali ya Wilaya ya Uyui, Mkoani Tabora, kutoka kwa Mbunge wa Jimbo la Tabora Kaskazini Mh. Almasi Maige
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akikagua jengo litakalojengwa Hospitali ya Wilaya ya Uyui, Mkoani Tabora.
Jengo linaloendelea kujengwa kwa ajili ya Hospitali ya Wilaya ya Uyui
 
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akikagua ndani ya Maabara ya Kituo cha Afya Inyonga, Mlele, Mkoani Katavi
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akisaini kitabu cha wageni Kituo cha Afya Inyonga, Mlele, Mkoani Katavi


Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla ameendelea na ziara yake ya kikazi ya kukagua huduma za Afya ‘Imarisha Afya’ katika Zahanati, Vituo vya Afya na Hospitali mbalimbali kwenye mikoa ya Rukwa, Katavi pamoja na Tabora.  

Akiwa katika mkoa wa Rukwa, Dk. Kigwangalla aliweza kutembelea Hospitali ya Sumbawanga ambayp ni ya Mkoa wa Rukwa na kujionea mambo mbalimbali huku akiwapongeza kwa namna walivyoboresha huduma zao ikiwemo ile ya Maabara, Chumba cha upasuaji na huduma zingine ambapo aliwaagiza kuhakikisha wanakuwa na hakiba ya kutosha ya damu salama kwa ajili ya dharura kwa wagonjwa wa ukanda huo. 

 Mbali na Hospitali ya Mkoa wa Rukwa, pia aliweza kutembelea kituo ca Laela ambapo pia mbali ya kujionea utendaji kazi wa kituo hicho alipongeza juhudi za Mbunge wa jimbo la Kwera, Mh. Ignas Alloyce Malocha kwa kushirikiana na wananchi wake katika masuala ya huduma za Afya. Ziara hiyo katika mkoa wa Rukwa, aliweza kumalizia katika Kituo cha Afya Wampembe kilichopo Wilayani Nkasi ambapo alijionea shughuli mbalimbali ikiwemo huduma za Upasuaji hata hivyo aliutaka uongozi wa kituo hicho ambacho kipo mwambao wa Ziwa Tanganyika kuhakikisha wanakamilisha mifum ya maji safi na salama ndani ya kituo pamoja na kuboresha huduma za Maabara na usafi kwa ajumla.  

Akiwa katika Mkoa wa Katavi, Dk. Kigwangalla aliweza kufanya ziara ya kushtukiza kituo cha Afya Inyonga,kilichopo Mlele majira ya Saa Sita mchana na kuweza kukagua maeneo mbalimbali ikiwemo Chumba cha Maabara, Chumba cha Upasuaji na wodi ya akina mama wanaosubiria kujifungua.  

Hata hivyo, Dk. Kigwangalla amemtaka Kaimu Mganga Mkuu wa Kituo hicho kumuandikia maelezo juu ya kutokuwepo kwa watoa huduma kwenye jingo la chumba cha upasuaji na eneo la wodi ya akina mama wanaosubiria kujifungua kwani licha ya kufika hapo hakukuta mtoa huduma hata mmoja kwa wakati huo hali ambayo inaweza kuleta hatari.  

“Nataka kupata maelezo kwa maandishi. Kwa nini hakukua na watoa huduma ndani ya Chumba cha upasuaji na kule kwa wodi ya wamama wajawazito. Nilifika kuwakagua kwa upande wa Maabara nimekuta safi mumeweza kuboresha huduma na mumezingatia maelezo yangu niliyoyatoa kipindi nilichofika kukagua mwaka jana. Lakini pia hali niliyoikuta katika maeneo hayo niliyotembelea bila kuwakuta wahusika hii ni hatari nitahitaji maelezo ya kimaandishi” alieleza Dk. Kigwangalla wakati akitoa maagizo kwa Kaimu Mganga Mkuu wa kituo hicho. 

 Aidha, akiwa katika mkoa wa Tabora, aliweza kutembelea eneo la jengo linalojengwa Hospitali ya Wilaya ya Uyui na baadae aliweza kumalizia ziara yake katika Zahanati ya Isikizya ambapo aliagiza Mkurugenzi wa Wilaya ya Uyui kuhakikisha wanatenga bajeti pamoja na kushirikiana na nguvu za wananchi na mbunge wa jimbo hilo wanajenga majengo ya kulazwa wagonjwa, chumba cha upasuaji, maabara na miundombinu mingine ili Zahanati hiyo ije kupanda na kuwa Kituo cha Afya kwani kinahudumia eneo kubwa katika mji huo wa Isikizya ambayo hipo ndani ya Makao makuu ya Wilaya hiyo. 
Naibu Waziri wa Afya Maendeleo ya Jamii, Jinsia Wazee na Watoto, Mh. Dk.Hamisi Kigwangalla akikaguachumba cha upasuaji Hospitali ya Mkoa wa Rukwa

MKUU WA MKOA RUKWA AWAONYA WANAOTETEA WANAFUNZI WENYE MIMBA KUENDELEA NA MASOMO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Mkuu wa Mkoa wa Rukwa Kamishna Mstaafu Zelote Stephen ameonya vikali wale wanaoendeleza gumzo la kuwatetea wanafunzi wanaopata mimba wakitaka warudishwe shule huku watoto wao wakiwa wanawalinda na kuhakikisha wanafanikiwa katika maisha.

Ameyasema hayo alipofanya ziara kujionea maandalizi ya mapokezi ya wanafunzi wa kidato cha tano katika shule mbili za Wilaya ya Nkasi kwa muhula wa mwaka 2017/2018, ambapo kwa Mkoa wa Rukwa wanafunzi 1,155 wamepangiwa kujiunga na shule 13 zinazochukua wanafunzi wa kidato cha Tano. 

Mkuu wa Mkoa alisema kuwa kwa Mkoa wa Rukwa pekee kuna kesi 165 za wanafunzi kupata mimba tangu Januari hadi Juni mwaka huu na kesi zao zinaendelea kushughulikiwa ili kuwapata watuhumiwa na kuwachukulia hatua.

“Katika Mkoa wangu huu adui yangu namba moja ni yule ambae anampa mtoto wa kike mimba na yeyote anayetetea masuala yanayozunguka mimba, tusije tukaruhusu watu ambao wameshafanikiwa na watoto wao kielimu halafu wanakuwa kwenye majukwaa ya kuwaharibia watoto wa wazazi wengine, shule siyo Clinic wala siyo Maternity, wanafunzi hawaji shuleni kuapata mimba ni kusoma tu,” Mh. Zelote alisisitiza.

Sambamba na hilo aliwataka wazazi wote kukemea vitendo hivi vinavyolenga kukatisha ndoto za wanafunzi hawa ambao wanaandaliwa kuijenga Tanzania ya viwanda, na kuongeza kuwa watoto ni wa watanzania si lazima awe wa kumzaa hivyo inampasa kila mzazi kuwa na uchungu pale anapoona mtoto wa mwenziwe amekatishwa ndoto zake kwa kupata mimba.

“Kwa wazazi na watu wazima hili lazima tulisimamie wote, mzazi, mtu mzima akimwona mtoto anafanya kitu kibaya achukue hatua, akemee na sio kupiga makofi na kutetea,” Alisema.

Katika kulisisitiza hilo Mh. Zelote aligawa nakala ya Marekebisho ya Sheria Mbalimbali Namba 2 ya mwaka 2016 ambayo katika kifungu 60A (1 – 4) imebainisha adhabu kwa watu wanaowapa mimba au kuoa ama kuolewa na mwanafunzi, kwa kifungo cha miaka 30 jela.

Awali akisoma taarifa fupi ya hali ya mimba katika Shule zilizopo Wilaya ya Nkasi Kaimu Mkurugenzi wa Halmashauri ya Nkasi Abel Adam Ntupwa alisema kuwa wananchi na wazazi wengi hawaifahamu sharia ya elimu inayotaka mwanafunzi akipata mimba taarifa na vielelezo vinapelekwa kwa afisa mtendaji kata au Kijiji na kesi kupelekwa polisi kisha mahakamani.

“Baadhi ya wazazi na watendaji wanakula njama ya kutaka kumaliza kesi kienyeji kwa wazazi wa pande mbili kupatana, hivyo uongozi wa wilaya utatoa elimu pana juu ya haki ya msichana kusoma mpaka kumaliza na kuwachukulia hatua wale wanaosaidia kuficha wahalifu wa mimba,” Alisema. 

Katika kuonesha umakini wa kulifuatilia suala hilo Afisa Elimu wa Mkoa wa Rukwa Robert Nestory alisisitiza kuwa upimwaji mimba kwa wanafunzi ufanywe mara kwa mara isiwe tu wakati shule zinapofunguliwa.

“Huu utaratibu wa kuwapima wanafunzi wakati shule zinapofunguliwa tuuache, upimwaji huu uwe ni wa mara kwa mara, na maafisa elimu wanapokwenda kutembelea shule mbali mmbali basi ni jukumu lao kuonana na wazazi ili wawape elimu ya sharia hii na sio tu kumuachia Mkuu wa Wilaya kazi hiyo,” Aliongeza.

Wakati akimkaribisha Mkuu wa Mkoa nae Mkuu wa Wilaya ya Nkasi Mh. Said Mtanda alibainisha mpango wa kuwatangaza kwenye redio watuhumiwa wote ili jamii isikie na kuondoa dhana ya kuwaficha katika maeneo yao wanayoishi.

“Orodha yao watuhumiwa wote tunayo na redio tunayo, Nkasi FM, tutawangaza kwa majina ili wafamu kwamba wanatafutwa ili kuwatia hofu hasa maeneo ya huku vijijini,” Mh. Mtanda alimalizia.

MGAWO MIL.50/-KILA KIJIJI KUANZA MWEZI UJAO

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Imeandikwa na Lucy Lyatuu
Katibu Mtendaji wa NEEC, Beng’i Issa
AHADI ya Rais John Magufuli ya kutoa fedha Sh milioni 50 kwa kila kijiji inatarajiwa kufika katika baadhi ya vijiji nchini kuanzia mwezi ujao na tayari Sh bilioni 59 zimekwishatengwa.
Utolewaji wa fedha hizo kwa kila kijiji ni hatua mojawapo ya utekelezaji wa ahadi ya Rais Magufuli kupitia Ilani ya Uchaguzi ya Chama Cha Mapinduzi ya 2015/2020 ambayo aliitoa mwaka juzi wakati akiwania nafasi hiyo katika Uchaguzi Mkuu.
Akizungumza kupitia kipindi cha Tunatekeleza kinachorushwa na Televisheni ya TBC, Katibu Mtendaji wa Baraza na Uwezeshaji Wananchi (NEEC), Beng’i Issa alisema baraza limefikia hatua ya mwisho kabisa ya uratibu wa fedha hizo na kinachosubiriwa ni kibali kutoka serikalini kuhusu fedha hizo.
“Sisi kama baraza tumemaliza kutengeneza na kuratibu na kilichobakia ni hatua za mwisho kwa serikali kutoa kibali cha fedha hizo, zilizotengwa zitakwenda katika baadhi ya vijiji kupitia halmashauri, lakini vikundi vitakapopata ni vile vitakavyofikia vigezo,” alisema Issa na kuongeza kuwa vikundi hivyo viwe na uzoefu wa kuweka akiba na kukopeshana kwa ndani ya mwaka mmoja na kuendelea.
Kuhusu vigezo vya vikundi vitakavyopata fedha hizo ni vile ambavyo vinatoka katika kijiji husika, lakini pia halmashauri zitahusika kwa kuunda kamati na pia kuwepo kwa mratibu katika halmashauri husika atakayesimamia utekelezaji wa fedha hizo pamoja na kutoa elimu.
CHANZO GAZETI LA HABARI LEO

JARIDA LA NCHI YETU LA MWEZI FEBRUARY

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

JARIDA LA NCHI YETU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

SERIKALI YATEKELEZA MKAKATI WA MAGONJWA YASIYO YA KUAMBUKIZA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Sungusungu wachanjwa chale kuongezewa ujasiri

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


WAKATI majeshi mengine yakijiimarisha kijasiri na ukakamavu kwa kufanya mazoezi ya mwili kwa vifaa bora, askari wa jadi, maarufu sungusungu ambao ni vijana wa kiume wapatao kiume 83 wamelazimika kuchanjwa chale mwili mzima kuongezewa ujasiri.
Vijana hao walichanjwa chale na waganga wa kienyeji ili wawe wakali pia wawe jasiri wanapokabiliana na wahalifu hata kama wahalifu wana silaha nzito.
Sherehe ya kuchanjwa ilihusisha sungusungu wa vijiji vya Mwale na Ng’ongo vilivyopo katika Bonde la Ziwa Rukwa katika wilaya ya Sumbawanga, Rukwa, ambako mbuzi wawili walichinjwa kwa ajili ya kitoweo cha askari hao. Walikula kwa ugali wa dona.
Gazeti hili lilifika uwanja uliotumika kwa sherehe hizo ndani ya msitu huo na kushuhudia askari hao vijana wenye umri kati ya miaka 20 na 40 wakichanjwa chale mwili mzima na waganga wanne wa kienyeji waliokodishwa kuifanya kazi hiyo .
Wakizungumza na gazeti hili kwa masharti ya kutoandikwa majina yao gazetini, vijana wengine wa miraba minne walidai kuwa na imani ya dawa hizo za kienyeji kuwa zina uwezo wa kuwafanya kuwa wakali na jasiri zaidi.
“Tukishapigwa chale mwili mzima basi tutakuwa na uwezo wa kubaini mhalifu kabla hata hajafanya uhalifu hivyo tutaweza kuzuia uhalifu kabla haujafanyika. Isitoshe tutakuwa jasiri kupita kiasi, nguvu za kupita kiasi na hatutaogopa kukabiliana na mwalifu hata kama atakuwa na silaha nzito,” alisisitiza mmoja wao .
Akizungumza na gazeti hili Kamanda wa Jeshi hilo la Sungusungu, Mahona Boniface alisema kupigwa chale kwa askari hao vijana wa sungusungu ni agizo la mtemi wao wa sungusungu aitwae Clement Mbogatabu alilolitoa mara baada ya kuchaguliwa kushika nafasi hiyo katika uchaguzi uliofanyika hivi karibuni.
“Mie ndiye niliyepiga mbiu kuwakusanya askari hawa na kuwapatia maagizo ya mtemi wetu wa sungusungu wote waliafiki na leo (juzi) tumekusanyika kwenye uwanja huu ambapo kila askari ameagizwa aje na wembe wake mwenyewe mpya na kiasi cha Sh 500 ikiwa ni ujira wa mganga atakaye mchanja chale,” alisema Mbogatabu.
Waganga hao wa kienyeji waliokodiwa kuifanya kazi hiyo walitajwa kuwa ni Juma Aron, Shinje Buzuka na Lutema Mugesa huku jina la mganga wa nne halikuweza kupatikana.
Alisema waganga hao wanatoka kijiji cha Uzia na mwingine ni mkazi wa kijiji cha Santaukiwa vilivyopo katika Bonde la Ziwa Rukwa wilayani Sumbawanga ambapo shughuli hiyo walifanya juzi kuanzia saa tatu asubuhi hadi saa nane mchana .
Walisema baada ya kuchanjwa askari hao vijana wa kiume wa sungusungu wamezuiwa kukutana kimwili na mwanamke hata kama wameoa kwa muda wa siku tatu baada a kupita siku hizo watakusanyika tena ambapo wataogeshwa dawa ndipo wataruhusiwa kufanya tendo la ndoa.
 CHANZO GAZETI LA HABARI LEO


TFS YAKABIDHI MADAWATI 256 KWA MKUU WA MKOA WA RUKWA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Na   Walter    Mguluchuma , Sumbawanga

WAKALA wa Huduma za Misitu Tanzania (TFS),  umemkabidhi Mkuu wa mkoa
wa Rukwa , Zelothe Steven  madawati 256 kwa ajili ya wanafunzi wa
shule  za msingi zilizopo katika  wilaya  tatu  mkoani humo .

Akikabidhi madawati hayo, Meneja wa shamba la Msitu wa Hifadhi  wa
Mbizi , Mohamed Kiangi alisema lengo la wakala huo ni kuunga mkono
juhudi na jitihada za Rais John Magufuli za kumaliza tatizo la uhaba
wa madawati katika shule za msingi na  sekondari.

Kiangi alisema, madawati hayo 256 yaliyokabidhiwa  ni kati ya madawati
 420 yaliyopangwa  kutolewa na TFS kwa mkoa huo  ambapo yatagawiwa
kwa halmashauri za wilaya za Nkasi ,Sumbawanga ,Kalambo na Manispaa ya
Sumbawanga kwa utaratibu  uliowekwa.

Mkuu wa Mkoa huo , Zelothe  mara baada ya kupokea madawati hayo
alisema katika kutekeleza agizo la Rais Magufuli  mkoa ulifanya
jitihada  kubwa ambapo madawati mapya yalitengenezwa  ingawa bado
kuna upungufu.

Alisema  mkoa  ulikuwa na mahitaji  ya madawati 84,685 ambapo
yaliyotengenezwa  hadi sasa ni madawati 78,072 sawa na asilimia 92.19
ambapo  upungufu ukiwa ni wa madawati  6,613  ikiwa ni sawa na
asilimia 7.8 kwa shule za msingi .

 Aliwataka wakurugenzi  wa halmashauri hizo nne  kuhakikisha
wanasimamia na kuhakikisha madawati hayo yanatunzwa  ipasavyo.

Mwisho.





MUSWADA WA HABARI KUSAIDIA KUKUZA DIPLOMASIA YA UCHUMI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 


Na. Immaculate Makilika- MAELEZO

Udhibiti  wa huduma ya habari  kwa namna ya ili  kulinda  usalama, utulivu amani na maslahi ya kiuchumi, maadili au afya ya jamii ni jambo jema  ambalo huzingatiwa na nchi zote duniani.

Hayo yamesemwa na Kaimu Mkuu wa Chuo cha Diplomasia, Dkt. Bernard Achiula  alipokuwa akifanya  mahojiano kuhusu namna muswada sheria ya huduma za habari unavyoweza kusaidia kukuza diplomasia ya uchumi nchini.

Dkt. Achiula  alisema kuwa vyombo  vya  habari vina jukumu kubwa la kulinda amani ya nchi  na kwa kuwekwa misingi ya uwajibikaji kwa waandishi wa habari itakayosaidia kulinda maslahi ya Taifa.

“Muswada huu upitishwe ili vyombo vya habari vifanyekazi katika misingi ya taaluma kwa kutoa taarifa  zenye  kweli kwa jamii, zitakazoitangaza nchi kimataifa ili kujenga diplomasia ya uchumi, itakayosaidia katika kulinda heshima utulivu na amani ya nchi”

“Muswada huu pia utasaidia waandishi wa habari kuandika habari zitakazoiletea sifa nchi na kuvutia watalii na wawekezaji  kwa kuzingatia amani iliyopo nchini, mbali na hapo diplomasia ya uchumi  itaweka mazingira rafiki katika kufikia azma ya Serikali ya Awamu ya Tano ya Tanzania ya kufikia uchumi wa kati kupitia viwanda ifikapo mwaka 2020” alisema Dkt. Achiula

Sehemu hii ya muswada wa huduma za habari unaakisi mikataba ya kimataifa ikiwemo mkataba wa geneva ibara ya 19 inayoainisha haki wa wajibu kwa mwandishi wa habari hasa katika maeneo yanayohusu usalama, utulivu amani na maslahi ya kiuchumi, maadili au afya ya jamii.
Akizungumzia  kuhusu  Bodi ya Ithibati iliyopo katika muswada huo, Dkt. Achiula alisema kuwa Bodi hiyo itasaidia kukuza kanuni za maadili kwa wanahabari na kukuza weledi jambo litachochea mahusiano yenye faida katika nyanja za kimataifa.

Ameongeza kuwa kuwemo kwa  Baraza Huru la Habari kutasaidia  kuijengea uwezo sekta habari nchini kwa vile muswada huo utazalisha  waandishi wa habari  waliobobea katika fani mbalimbali, huku akitolea mfano nchi zilizoendelea ikiwemo Ujerumani kwa kuwa na chombo kinachosimamia masuala ya sekta ya habari  kwa kufuata misingi na utaratibu maalumu.

Aidha, wadau wa sekta ya habari nchini, wametakiwa kuendelea kutoa maoni yao ya kuboresha Muswada wa huduma za habari, kabla muswada huo  kusomwa tena bungeni ifikapo novemba mosi, mwaka huu.
 
Supported by Tone Multimedia Company Limited
Copyright © 2012. Rukwa Yetu - All Rights Reserved
Designed by Fredy Tony Njeje
Proudly powered by Blogs za Mikoa