HATARI: ALBINO AVAMIWA NA KUKATWAKATWA NA WATU WASIOJLIKANA KISHA KUONDOKA NA MKONO WAKE WA KUSHOTO‏

Na Walter Mguluchuma

Rukwa




WATU wasiofahamika wamevamia nyumba ya mwanamke mwenye ulemavu wa

Ngozi Albino Maria Chambanenje (39) mkazi wa kijiji cha Kavifuti

kilichopo katika wilaya ya Sumbawanga mkoani Rukwa na kisha

kumkatakata kwa mapanga na kutoweka na mkono wake wa kushoto.







Hata hivyo tukio hilo la kusikitisha lilitokea wakati mume wa mlemavu

huyo mwenye wake wawili akiwa ameenda kulala nyumba jirani ambayo

ni ya mke mkubwa







Akizungumza mara baada ya kumfikisha mlemavu huyo wa ngozi katika

hospitali ya mkoa wa Rukwa kwa ajili ya matibabu mume wa mlemavu huyo

wa ngozi aitwae Gabriel Yohana ,amesema kuwa tukio hilo la mkewe

kukakwa kwatwa kwa mapanga na kisha watu hao kuondoka na kipande

cha mkono wa kushoto wa mkewe, lilitokea majira ya saa nane usiku

mara baada ya watu hao kuvamia nyumba ya mama huyo huku wakiwa

wamefunga milango ya nyumba za majirani kwa kamba kwa lengo la

kuwazuia majirani hao wasitoe msaada wakati wa tukio hilo.







Bw Yohana amesema kuwa usiku wa kuamikia leo majira ya saa 8 usiku

alifuatwa na mtoto wa kaka yake ambaye alidai kuwa nyumbani kwao

,nyumba ambao analala mama huyo mlemavu wa ngozi kuwa kuna dalili za

watu kukata nyumba kwa kwa panga na kuwa amesikia sauti za watoto wa

mlemavu huyo wa ngozi zililia kwa kuomba msaada.




Aliema kuwa hata hivyo mara baada ya kufika nyumbani hapawalimkuta

mkewe akiwa tayari amekatwa mkuno wake wa kushoto pamoja na kujeruhiwa

sehemu mbalimbali za mwili wake ikiwemo kichwani pamoja na mkono wake

wa kulia na ndipo alipoanza kupiga kelele za kuomba msaada na

kugundua ya kuwa nyumba za majirani zimefungwa kwa kamba nje kwa

lengo la kuzuia majirani hao kutoa msaada kwa mama huyo.




Kwa upande wake daktari wa zamu wa hospitali ya mkoa wa Rukwa kitengo

cha tiba za nje Dkt rajabu Lugwashi amekiri kumpokea mama huyo

mwenye ulemavu wa ngozi na kusema kuwa mpaka sasa anaendelea kupatiwa

matibabu ikiwemo kuongezewa damu kutokana na kuvuja damu kwa wingi

mara baada ya tukio hilo.







Amesema kuwa mama huyo aliyekatwa mkono wa kutosho eneo la kiwiko

anaendea kupatiwa matibabu na kuongeza kuwa majeraha yaliyopo katika

maeneo mbalimbali ya kichwa chake aliweza kufikishwa katika kituo cha

afya cha Laela kilichopo umbali kidogo toka katika eneo la tukio na

kushonywa.







Kwa upande wao watendaji wa jeshi la polisi mkoa wa Rukwa walipohojiwa

juu ya tukio hilo walishindwakutoa ushirikiano kwa madai ya kuwa

tukio hilo kuna mtu maalum anayelishugurikia.