Mussa Mwangoka, Sumbawanga.
UONGOZI wa Serikali mkoani Rukwa, umesema kuwa hautasita kuwachukulia hatua za
kisheria kwa baadhi ya wamiliki wa vituo vya uuzaji wa Nishati ya mafuta ya
vyombo vya moto watakaobainika kufanya biashara ya ulanguzi wa bidhaa hiyo.
Tishio dhidi ya walanguzi wa bidhaa hiyo linakuja kutokana na kuwepo kwa tabia
ya baadhi ya wafanyabiashara wa mafuta hayo kugoma kuuza mafuta mara tu mamlaka
ya udhibiti wa nishati ya mafuta na maji (Ewura) inapotangaza kushuka kwa bei
ya mafuta, hivyo kutoa mwanya kwa kufanyika biashara ya ulanguzi ambapo bie ya
mafuta ya petroli uuzwa hadi Sh 10,000 kwa lita.
Mkuu wa mkoa wa Rukwa, Stella Manyanya alisema hayo jana ofisi kwake wakati
akizungumza na mwaandishi wa habari hizi aliyetaka kujua mikakati ya Serikali
katika kudhiti tatizo la baadhi ya wamiliki wa vituo vya mafuta kugoma kuuza
bidhaa hiyo mara baada ya Ewura kutangaza kushuka kwa bei, tatizo ambalo
linajitokeza mara kwa mara.
Alisema ipo tabia ya baadhi ya wenye vituo vya mafuta mjini Sumbawanga kugoma
kuuza bidhaa hiyo mara bei inaporemka na kutangazwa na mamlaka husika hivyo
baadhi ya vijana kuuza kwa bei ya kulangua kitu ambacho ni kinyume na sheria.
"Sasa itabidi tutumie sheria ya kudhibiti ulanguzi ili kuwabana baadhi ya
wafanyabiashara wasio waaminifu ambao bei inaposhuka ugoma kutoa huduma hiyo
katika vituo vyao na kuwatumia vijana kufanya biashara ya ulanguzi ambayo
inawaumiza watumiaji wa huduma hiyo" alisema Manyanya.
Aliongeza kuwa licha ya kuwakamata watu wanaofanya biashara ya ulanguzi huo,
pia kuna mazungumzo yanaendelea baina ya ofisi yake na Ewura kuona hatua
zaidi ambazo zitachukuliwa dhidi ya wafanyabiashara hao.
Kadhia ya inayosababishwa na kuadimika kwa nishati ya mafuta hususani petroli
mara kwa mara imekuwa sugu, ambapo inasababisha kuuzwa mitaani na bei kuwa juu
zaidi hali ambayo ilisababisha baadhi ya wananchi kuitupia lawama mamlaka
husika kuwa imeshindwa kuwadhibiti wafanyabiashara wa mafuta mkoani Rukwa.
Blogzamikoa
0 comments:
Post a Comment