Mvua yaleta maafa

Sumbawanga. Mvua kubwa iliyonyesha juzi katika Kijiji cha Kasense, imesababisha hasara ya Sh88 milioni, baada ya kuharibu nyumba mbalimbali zikiwamo za wanakijiji, taasisi na nyumba za ibada, likiwapo Kanisa Katoliki.

Kaimu Mkurugenzi wa Manispaa ya Sumbawanga mkoani Rukwa, Kassimu Sengusa alisema hayo jana wakati akizungumza na gazeti hili aliyetaka kujua tathmini ya hasara iliyowapata wananchi baada ya mvua hiyo kunyesha.

Kaimu Mkurugenzi huyo alisema baada ya timu ya wataalamu wa manispaa hiyo kufika eneo la tukio na kufanya tathmini walibaini hasara iliyopatikana ni Sh88 milioni, na kwamba nvua hiyo iliyoambatana na upepo mkali iling’oa paa za nyumba za watu 28, na nyumba mbili za waganga wa zahanati ya kijiji hicho.
Chanzo;Mwananchi